Qo‘qon shahri Turkiy kengashning ilk turizm poytaxti deb e’lon qilindi

Qo‘qon Turkiy kengashning ilk turizm poytaxti deb e’lon qilindi. Bu haqda “Xalq so‘zi online” xabar berdi.

Qayd etilishicha, Qo‘qonda Turkiy tilli davlatlar hamkorlik kengashining Turizm masalalari bo‘yicha vazirlarining VI yig‘ilishi va Turizm bo‘yicha ishchi guruhning XV yig‘ilishi bo‘lib o‘tmoqda.

Bosh vaziri o‘rinbosari — turizm va sport vaziri Aziz Abduhakimov o‘z nutqida O‘zbekiston tomoni Qo‘qon shahri nomzodini ilgari surdi va ishtirokchilardan mazkur shaharni Turkiy kengashning ilk turizm poytaxti sifatida e’lon qilish tashabbusini qo‘llab-quvvatlashni so‘radi.

Taklif barcha tomonidan qo‘llab-quvvatlandi va Qo‘qon Turkiy kengashning ilk turizm poytaxti deb e’lon qilindi. Shundan so‘ng Qo‘qon shahri hokimi Ma’rufjon Usmonovga ramziy kalit topshirildi.

Tadbir doirasida o‘zbek san’ati yulduzlari ishtirokida konsert dasturi o‘tkazilishi rejalashtirilgan.