Tailandda och qolgan Play Bunchuay laqabli fil oshxona stolida qoldirilgan bir xalta guruchni olish uchun xonadonlardan biriga bostirib kirdi. Bu haqda Daily Mail xabar bergan, deb yozadi “Korrespondent”net.
Fil uyga devorni yorib kirgan. Pxungprasopornlar oilasi tungi soat ikkida shovqinni eshitgach, bu vaqtda kim bezovta qilayotganini tekshirib ko‘rishga qaror qilgan. Chaqirilmagan mehmonni videoga olishga muvaffaq bo‘lgan juftlik baqirgancha jonivorni o‘rmonga haydagan.
Mahalliy OAVning yozishicha, fil avval ham Xuaxin shahrida ko‘rinish bergan, ammo o‘tgan safar hech nimani vayron qilmagan. Fil tomonidan yetkazilgan zarar 50 ming bat (1 575.85 dollar)ga baholangan.
Avvalroq Tailand shimolidagi Chiangmay provinsiyasida fil bolasi shakarqamish o‘g‘irlayotganida qo‘lga tushgani haqida xabar berilgandi.
Izoh (0)