AQShning Oregon shtatidagi Yaxats shaharchasida yashovchi erkak plyajda ulkan sovun pufagini shishirishga muvaffaq bo‘ldi. Rolik 2020-yilning iyulida tasvirgan olingan, biroq YouTube’dagi ViralHog kanalida bir necha kun oldingina paydo bo‘lgan, deb xabar beradi Esquire.
Erkak pufakni qarmoqqa o‘xshash ikkita moslama yordamida shishirgan. “Bu mening deyarli tugamaydigan pufagim. Uning shakllanishini kuzatish juda ajoyib edi. U xuddi hech qachon tugamaydigandek tuyuldi. Bu kabi pufakni mutlaq ideal sharoitda shishirishga muvaffaq bo‘lindi. Harorat, shamol va namlik — barchasi buning amalga oshishiga yordam berdi”, — deydi mahalliy fuqaro.
Biroq sovun pufaklarini shishirish bo‘yicha haqiqiy usta boshqa inson hisoblanadi — Dr.U.R.Awesome nomi bilan tanilgan amerikalik Gari Pirlman. Dunyodagi eng katta pufaklar borasidagi kamida uchta rekord unga tegishli: ochiq havoda shishirilgan (96,27 metr kub), bino ichida (21,45 metr kub) va qo‘llar yordamida shishirilgan (0,08999 metr kub).
Izoh (0)