“Forsaj” filmining bosh qahramoni Brayan O’Konnor (Pol Uoker ijrosidagi) harakatlangan 1994-yilgi to‘q sariq Toyota Supra modeli auksionda rekord qiymatda sotildi. Las-Vegasdagi Barrett Kackson auksionida mashinaning haqiqiyligini isbotlovchi zarur sertifikatlari bilan unga 550 ming dollar to‘langan. Odatda yaxshi holatdagi Supra A80 AQShda besh-olti barobar arzon turadi. Xaridor o‘zining kimligi sir qolishini so‘ragan, deb xabar beradi Motor.
Pol Uoker qahramonining Toyota Supra’si texnik jihatdan o‘zgarishsiz qolgan: kapot ostidan 2JZ-GTE turbomotori o‘rin olgan, uzatmalar qutisi — 4 pog‘onali “avtomat”, filmda esa mexanik uzatmalar qutisi sifatida maskirovka qilingan.
Toyota Supra saloni 20 yil oldingi filmdagi kabi. Uch kegayli sport avtomobili ruli, yorqin ko‘k rangga ega o‘rindiqlar, shuningdek, old ustun va yo‘lovchining old paneli qarshisidan qo‘shimcha muqobil qurilmalar o‘rin olgan.
Qiziq jihati, 2015-yilda “Forsaj”ning birinchi qismidagi tryuklarni bajarishda foydalanilgan Toyota Supra 185 ming dollarga sotilgan edi. U asosiy versiyadan xavfsizlik karkasi, kuchaytirilgan “podveska” va azot oksidiga ega butafor ballonlari bilan ajralib turgan.
Avvalroq “Forsaj” filmida omon qolgan yagona Livan sportkari auksionga qo‘yilishi, Avstraliyada “Forsaj” filmida suratga tushgan 50 yillik Chevrolet auksionga qo‘yilgani, Pol Uokerga tegishli bo‘lgan o‘rta motorli BMW M1 superkari sotilayotgani to‘g‘risida xabar berilgandi.
Mavzuga doir:
Izoh (0)