«Форсаж» фильмининг бош қаҳрамони Брайан O'Коннор (Пол Уокер ижросидаги) ҳаракатланган 1994 йилги тўқ сариқ Toyota Supra модели аукционда рекорд қийматда сотилди. Лас-Вегасдаги Barrett Kackson аукционида машинанинг ҳақиқийлигини исботловчи зарур сертификатлари билан унга 550 минг доллар тўланган. Одатда яхши ҳолатдаги Supra А80 АҚШда беш-олти баробар арзон туради. Харидор ўзининг кимлиги сир қолишини сўраган, деб хабар беради Motor.
Харидор 550 минг доллар эвазига суратга олиш ишларида йирик планларда фойдаланилган Toyota Supra’ни қўлга киритган. Бундан ташқари, купе «Форсаж»нинг иккинчи қисмида ҳам кўриниш берган, кейинги фильм учун эса автомобиль бошқа рангга бўялган ва янги «обвeс» қўйилган. Суратга олиш якунлангач, машина дастлабки ҳолатига қайтарилган.
Пол Уокер қаҳрамонининг Toyota Supra’си техник жиҳатдан ўзгаришсиз қолган: капот остидан 2JZ-GTE турбомотори ўрин олган, узатмалар қутиси — 4 поғонали «автомат», фильмда эса механик узатмалар қутиси сифатида маскировка қилинган.
Toyota Supra салони 20 йил олдинги фильмдаги каби. Уч кегайли спорт автомобили рули, ёрқин кўк рангга эга ўриндиқлар, шунингдек, олд устун ва йўловчининг олд панели қаршисидан қўшимча муқобил қурилмалар ўрин олган.
Қизиқ жиҳати, 2015 йилда «Форсаж»нинг биринчи қисмидаги трюкларни бажаришда фойдаланилган Toyota Supra 185 минг долларга сотилган эди. У асосий версиядан хавфсизлик каркаси, кучайтирилган «подвеска» ва азот оксидига эга бутафор баллонлари билан ажралиб турган.
Аввалроқ «Форсаж» фильмида омон қолган ягона Ливан спорткари аукционга қўйилиши, Австралияда «Форсаж» фильмида суратга тушган 50 йиллик Chevrolet аукционга қўйилгани, Пол Уокерга тегишли бўлган ўрта моторли BMW М1 суперкари сотилаётгани тўғрисида хабар берилганди.
Мавзуга доир:
Изоҳ (0)