Mahalliy

Andijonda “piyodaga aylangan” Damas, suv ostida qolgan Qrim, Xitoy bayrog‘i ostida yotgan masjid minorasi bo‘lagi. 18-iyun suratlari

18.06.2021, 23:55 78855

O‘zbekiston va dunyo bo‘ylab 18-iyun kuni olingan sara suratlar jamlanmasini namoyish etamiz.

Ukrainaning isyonchilar nazorati ostidagi Donetsk shahridagi bitiruv marosimida gul ushlab turgan harbiy akademiya kursantlari.

Mavzuga doir: Bayden Zelenskiy bilan telefon orqali suhbatlashib, uni Oq uyga taklif qildi

Andijon viloyatining Shahrixon tumanidagi akademik litsey qarshisida yaqinda faoliyatini boshlagan gaz quyish shoxobchasidagi namozxona.

Mavzuga doir: Shavkat Mirziyoyev Andijonning Bosh jome masjidini borib ko‘rdi

Frankfurt yaqinida ikki kunlik toychoq onasining yonida tik turishga harakat qilmoqda.

Andijon shahar Mashrab ko‘chasidagi “Gumbaz” kafesi oldidagi piyodalar o‘tish joyidan o‘tayotgan Damas.

Manxettendagi osmono‘par binoda yoga bilan shug‘ullanayotgan odamlar.

Shinjon-Uyg‘ur avtonom viloyatining Urumchi shahri tashqarisidagi Changji shahridagi Sinqu masjidida buzilgan minora bo‘lagi Xitoy milliy bayrog‘i yonida yotibdi.

Mavzuga doir: “Katta ko‘lamdagi dahshatli antiutopiya”. Amnesty International Shinjonda musulmonlarga qarshi repressiyalar haqida ma’ruza e’lon qildi

Farg‘onaning Qamchiq dovoniga yaqin hududlardan biridagi do‘kon orqasida o‘tib borayotgan poyezdga qarab turgan ona va bola.

Indoneziyada COVID-19 qurbonini dafn etish uchun qabr tayyorlanmoqda. Jahon sog‘liqni saqlash tashkiloti tomonidan mamlakatda kasallanganlar soni ko‘payib borayotgani to‘g‘risidagi ogohlantirishdan so‘ng Indoneziya emlash tadbirlarini kuchaytirdi va ijtimoiy masofa saqlash choralarini ko‘rdi.

Mavzuga doir: Emlanmagan kuvaytliklar mamlakatdan chiqarilmaydi, Rossiyada saqich shaklidagi COVID-vaksina ishlab chiqilmoqda, Indoneziyada emlanganlarga tovuq berilmoqda. Koronaxabarlar

Xitoydagi “Jd.com” saytining kuryer roboti 18-iyun kuni hech qanday baxtsiz hodisalarsiz ishladi.

Qrimda kuchli yog‘ingarchilik tufayli favqulodda holat e’lon qilindi. Kerch va Yalta shahrida, taxminan, 350 ta uy suv ostida qoldi, 1,4 ming kishi evakuatsiya qilindi. Energiya, gaz va suv ta’minotida uzilishlar yuz berdi. Yaltada bir kishi vafot etdi. Suratda Kerch shahridagi stadion.

Mavzuga doir: Qrimning Yalta shahrida kuchli yomg‘ir toshqinga sabab bo‘ldi. Aholidan uyda qolish so‘ralmoqda (foto va video)

Besh nafar rahbari turli xorijiy xizmatlar bilan aloqadorlikda gumon qilinib hibsga olingan Gonkongdagi Apple Daily gazetasi 500 ming nusxada nashr etildi.

Italiyada Mille Miglia retro poygasi davom etmoqda. Unda deyarli 100 yil avval ishlab chiqarilgan mashinalar qatnashmoqda.

Kerch shahridagi suv ostida qolgan ko‘chalarda qayiqda yurgan aholi vakillari. Suv toshqinlari oqibatida shaharda favqulodda holat e’lon qilindi.

Mavzuga doir: Fotoreportaj: Rossiya janubida kuchli yomg‘ir tufayli uylar suv ostida qoldi

Eronda prezidentlik saylovlari bo‘lib o‘tmoqda.

Angliyada o‘tkazilayotgan an’anaviy Royal Ascot ot poygalarining to‘rtinchi kunida suv o‘tkazmaydigan ponchoda kelayotgan tomoshabinlar.

Fotosuratchilar saylov uchastkasida Eron Markaziy bankining sobiq rahbari va prezidentlik saylovlariga nomzod Abdolnosir Hemmatining kelishini kutmoqda.

Yevropaning eng faol vulqoni bo‘lgan Etnadan otilib chiqayotgan lava.

Yangi Zelandiya bosh vaziri Jasinda Ardern Manurevadagi emlash markazida Pfizer vaksinasi bilan emlandi.

Xokkaydo prefekturasida yovvoyi qo‘ng‘ir ayiq odamlar yashaydigan mavzega kelib qoldi. Rasmiylar hayvon to‘rt kishini, shu jumladan, bir askarni jarohatlaganidan keyin aholini uydan chiqmaslik haqida ogohlantirdi. Keyinchalik ayiq otib o‘ldirildi.

Eronlik ayol Tehronda prezidentlik saylovlari paytida saylov uchastkasida ovoz berishni kutib turibdi.

Manilada mamlakatga noqonuniy olib kirilgan hashamatli avtomobillar yo‘q qilindi.

Janubiy Koreyadagi yirik logistika markazida yong‘in sodir bo‘ldi. Jabrlanganlar yoki vafot etganlar haqida ma’lumot yo‘q.

Fransiyada Formula-1 musobaqasining mashg‘ulot poygalari navbatdagi bosqich arafasida boshlandi.

Kolombo porti yaqinida portlagan MV X-Press Pearl kemasining cho‘kishi. Yong‘in sodir bo‘lganidan deyarli bir oy o‘tgach, Shri-Lanka poytaxti yaqinida kimyoviy moddalar bo‘lgan konteyner kemasi cho‘kib ketdi. Kema operatorining aytishicha, Singapur bayrog‘i ostidagi X-Press Pearl endi butunlay dengiz tubida yotadi.

Mavzuga doir: Shri-Lanka sohillari yaqinida kimyoviy moddalar ortilgan kema cho‘kib ketdi. Bu ekologik falokat keltirib chiqarishi mumkin

Quddus shahrida ayollar jinsiy zo‘ravonlikka qarshi norozilik namoyishlarini o‘tkazmoqda.

Avvalgi kunlarning fotogalereyalari: