Muxlislar filmda suratga tushish uchun katta gonorar so‘ragan Bollivud yulduzi — Karina Kapurga boykot e’lon qildi

Hind aktrisasi Karina Kapurning filmda suratga tushish uchun so‘ragan katta mablag‘ so‘ragani ijtimoiy tarmoq foydalanuvchilarini g‘azabini keltirdi.

OAVda Karina Kapur Alaukiki Desaining yangi loyihasida ma’buda — Sita rolini gavdalantirish uchun 12 kror (1,646,908 dollar) so‘rayotgani haqidagi xabar tarqaldi. Shunday keyin foydalanuvchilar aktrisaga boykot e’lon qila boshlagan. Aktrisani e’tiqodlarini haqoratlashda ayblagan odamlar bir rol uchun bunday katta summa so‘rash odamgarchilikka to‘g‘ri kelmasligini ta’kidlagan.

Twitter’da #BoycottKareenaKhan heshtegi trendga aylangan. Foydalanuvchilardan biri: “Uning siz kabi ahmoqlar bizni yulduzga aylanishimizga sababchi bo‘lasiz deb, men suratga tushgan filmlarni ko‘rmang, farqi yo‘q menga, deb takabburona bergan javobi esingizdami? Keling, bunday noloyiq odamlar filmini tomosha qilmaymiz. Uning mifologik filmda rol ijro qilishi yoqimsiz”, — deb yozib qoldirgan. Boshqa bir foydalanuvchi esa: “Bu rolni hind ma’budasini hurmat qilmaydigan aktrisa o‘ynashi mumkin emas”, — degan. Odatda ikki barobar kam mablag‘ so‘raydigan Karinaning bu safar katta gonorar so‘ragani odamlarni shunchalik achchiqlantirganidan ayrimlar hatto Karinani loyihaga taklif qilgani uchun film rejissoriga ham boykot e’lon qilgan.

Muxlislar avvalroq Saif Ali Xon “Tandev” veb-serialidagi roli bilan hindlarga hurmatsizlik qilgani, endi Karina ham turmush o‘rtog‘ining izidan ketayotganini ma’lum qilgan.

Mifologik dramaning ssenariy muallifi aktrisaning rolga aniq tasdiqlanmaganini bildirgan. Film ijodkorlari ushbu rolga Dipika Padukonening nomzodini ham ko‘rib chiqyapti. Unda Mahesh Babu Ram, Ritik Roshan esa Ravan rolini gavdalantirishi mumkin. 3 D formatda olinadigan filmga Madhu, Allu Arvind, Namit Malhotra prodyuserlik qiladi.

So‘nggi marta “Ingliz maktabi”da ko‘rinish bergan Karina Kapur premyerasi 25-dekabrda bo‘lishi rejalashtirilgan “Laal Singh Chaddha” filmida suratga tusha boshlagan. Amir Xon bosh rolni ijro qilgan mazkur loyiha Gollivudning “Forrest Gamp” filmining remeyki hisoblanadi. Bundan tashqari, muxlislar aktrisani tarixiy epos — “Taxt”da ham ko‘rishi mumkin bo‘ladi.