Samarqand viloyati Jomboy tumanidagi maktablardan birining sinfxonalarini o‘quvchi yigit-qizlar ta’mirlayotgani haqida xabar berilgan edi. Ushbu holat yuzasidan viloyat xalq ta’limi boshqarmasi munosabat bildirdi.
“Jomboy tumanidagi 28-maktab o‘quvchilari maktabda olib borilayotgan ta’mirlash ishlariga jalb etilganligi bo‘yicha murojaat e’lon qilindi.
Ayni paytda mazkur holat yuzasidan o‘rganish ishlari olib borilmoqda. Bu haqda batafsil ma’lumot beriladi”, – deyiladi Samarqand xalq ta’limi boshqarmasi xabarida.
Eslatib o‘tamiz, Toyloqda 5- va 8-sinf o‘quvchilarini ta’lim muassasasi hududini obodonlashtirish ishlariga chiqargan maktab direktori 15,6 million so‘m jarimaga tortilgani haqida xabar berilgandi.
Bundan avval Shahrisabzda tibbiyot xodimlarini majburiy mehnatga jalb etgan shaxs jarimaga tortilgani hamda Qashqadaryo va Andijonda tibbiyot xodimlari va o‘qituvchilarni majburiy mehnatga jalb qilgan mansabdorlar 12,2 mln so‘m jarimaga tortilgani haqida xabar berilgandi.
Izoh (0)