Jizzax viloyati Zomin tumanida harakatlanayotgan Nexia-3 avtomobili oynasidan tanasining bir qismini chiqarib olgan ayol javobgarlikka tortildi, deb xabar beradi IIV YHXBB axborot xizmati.
Ma’lum qilinishicha, dam olish maskanlariga olib boruvchi avtomobil yo‘llarida harakat vaqtida yo‘lovchilarning avtotransport vositasi oynasidan tana qismlarini chiqarib olish holatlari tez-tez uchramoqda. Bu kabi holatlar fuqarolar tomonidan tasvirga olinib, ijtimoiy tarmoqlarda tarqaladi.
Ta’kidlanishicha, ana shunday videolavhalardan biri o‘rganilib, harakat vaqtida Nexia-3 rusumli avtomobilning oynasidan tana qismlarini chiqarib olgan fuqaro yuzasidan surishtiruv ishlari olib borilgan.
Qoidabuzarlarga nisbatan Ma’muriy javobgarlik to‘g‘risidagi kodeksning 138-moddasi 4-qismi (transport vositasi harakatlanayotgan vaqtda yo‘lovchi tomonidan tana qismlarini (qo‘ldan tashqari) salondan chiqarish) tartibida bayonnoma tuzilgan.
Avvalroq harakatlanayotgan avtomobil lyukiga o‘tirib olib, qoidabuzarlik sodir etgan qiz Jizzax viloyati IIB tomonidan jarimaga tortilgani to‘g‘risida xabar berilgandi.
Izoh (0)