Xitoyning Guyyan shahrida kamida sakkiz nafar odam metilformiat sizib chiqishi oqibatida halok bo‘ldi va yana uch kishiga talafot yetdi. Bu haqda “Korrespondent.net” xabar berdi.
12-iyunga o‘tar kechasi Guyyan jamoat xavfsizligi boshqarmasiga iqtisodiy va texnologik rivojlanish shahrida ishchining metilformiat tushirish vaqtida hushdan ketgani haqida xabar kelib tushgan.
Taxminlarga ko‘ra, hodisa Sansyansinsin kimyoviy moddalar sotish kompaniyasi binosida yuz bergan. Moddani maxsus idishdan tushirish vaqtida sizib chiqish hodisasi kuzatilgan va buning oqibatida odamlarga ziyon yetgan.
Ekologik monitoringlar ma’lumoti bo‘yicha tongda favqulodda hodisa yuz bergan hudud atrofidagi havoning sifati me’yoriy holatda bo‘lgan.
Talafot ko‘rganlarning hammasi tibbiyot muassasalariga yetkazilgan va zaharli modda tushgan joylarda tozalash va utilizatsiya qilish ishlari olib borilgan. Hodisaning sabablari o‘rganilmoqda va tergov jarayoni boshlangan.
Avvalroq Xitoy hukumati may oyida bo‘lib o‘tgan marafonda 21 nafar yuguruvchining o‘limiga sababchi bo‘lgan 27 nafar hukumat darajasidagi amaldorlarga javobgarlik choralarini ko‘rgani xabar qilingandi.
Eslatib o‘tamiz, 1-iyunda Xitoyning Xeylunszyan provinsiyasining Shanchji shahriga tornado yopirilib, 150 ga yaqin uyga zarar yetkazgan, may oyi oxirida esa Yunnan provinsiyasida 5,6 balldan 6,4 ballgacha bo‘lgan yer silkinishlari sodir bo‘lgandi.
Izoh (0)