Хитойнинг Гуйян шаҳрида камида саккиз нафар одам метилформиат сизиб чиқиши оқибатида ҳалок бўлди ва яна уч кишига талафот етди. Бу ҳақда «Korrespondent.net» хабар берди.
12 июнга ўтар кечаси Гуйян жамоат хавфсизлиги бошқармасига иқтисодий ва технологик ривожланиш шаҳрида ишчининг метилформиат тушириш вақтида ҳушдан кетгани ҳақида хабар келиб тушган.
Тахминларга кўра, ҳодиса Сансянсинсин кимёвий моддалар сотиш компанияси биносида юз берган. Моддани махсус идишдан тушириш вақтида сизиб чиқиш ҳодисаси кузатилган ва бунинг оқибатида одамларга зиён етган.
Экологик мониторинглар маълумоти бўйича тонгда фавқулодда ҳодиса юз берган ҳудуд атрофидаги ҳавонинг сифати меъёрий ҳолатда бўлган.
Талафот кўрганларнинг ҳаммаси тиббиёт муассасаларига етказилган ва заҳарли модда тушган жойларда тозалаш ва утилизация қилиш ишлари олиб борилган. Ҳодисанинг сабаблари ўрганилмоқда ва тергов жараёни бошланган.
Аввалроқ Хитой ҳукумати май ойида бўлиб ўтган марафонда 21 нафар югурувчининг ўлимига сабабчи бўлган 27 нафар ҳукумат даражасидаги амалдорларга жавобгарлик чораларини кўргани хабар қилинганди.
Эслатиб ўтамиз, 1 июнда Хитойнинг Хейлунсзян провинциясининг Шанчжи шаҳрига торнадо ёпирилиб, 150 га яқин уйга зарар етказган, май ойи охирида эса Юньнань провинциясида 5,6 баллдан 6,4 баллгача бўлган ер силкинишлари содир бўлганди.
Изоҳ (0)