Samarqand shahrining 10 ta mahallasi 9-iyun kuni soat 08:00 dan 10-iyun soat 18:00 gacha gaz ta’minotisiz qoladi. Bu haqda “Hududgaz Samarqand” matbuot xizmati xabar qildi.
“Hududgaz Samarqand” gaz ta’minoti filiali “Oqdaryo” gaz taqsimlash stansiyasida 2021—2022-yillar kuz—qish mavsumiga tayyorgarlik ishlarining olib borilishi munosabati bilan Samarqand shahri Siyob hududidagi “Rasadxona”, “Galaosiyo”, “Konigil”, “Sharq Yulduzi”, “Xo‘ja Chorrux”, “Sarbadorlar”,“ Tazar”, “Davlatshoh Samarqandiy”, “Toshkandiy” va “Kavarzor” mahallalariga 2021-yilning 9-iyun kuni soat 08:00 dan 10-iyun soat 18:00 gacha tabiiy gaz yetkazib berish to‘xtatilishini ma’lum qiladi.
Ushbu mahallalarda yashovchi iste’molchilaridan gaz jihozlarini o‘chirib qo‘yish va ehtiyot choralarini ko‘rish so‘raladi.
Tabiiy gaz ta’minotidagi uzilish tufayli kelib chiqqan noqulayliklar uchun “Hududgaz Samarqand ” gaz ta’minoti filiali ma’muriyati tabiiy gaz iste’molchilaridan uzr so‘ragan.
Izoh (0)