Самарқанд шаҳридаги бир қатор маҳаллаларда газ таъминоти 9 июндан 2 кунга ўчирилади

Самарқанд шаҳрининг 10 та маҳалласи 9 июнь куни соат 08:00 дан 10 июнь соат 18:00 гача газ таъминотисиз қолади. Бу ҳақда «Ҳудудгаз Самарқанд» матбуот хизмати хабар қилди.

«Ҳудудгаз Самарқанд» газ таъминоти филиали «Оқдарё» газ тақсимлаш станциясида 2021—2022 йиллар куз—қиш мавсумига тайёргарлик ишларининг олиб борилиши муносабати билан Самарқанд шаҳри Сиёб ҳудудидаги «Расадхона», «Галаосиё», «Конигил», «Шарқ Юлдузи», «Хўжа Чоррух», «Сарбадорлар»,« Тазар», «Давлатшоҳ Самарқандий», «Тошкандий» ва «Каварзор» маҳаллаларига 2021 йилнинг 9 июнь куни соат 08:00 дан 10 июнь соат 18:00 гача табиий газ етказиб бериш тўхтатилишини маълум қилади.

Ушбу маҳаллаларда яшовчи истеъмолчиларидан газ жиҳозларини ўчириб қўйиш ва эҳтиёт чораларини кўриш сўралади.

Табиий газ таъминотидаги узилиш туфайли келиб чиққан ноқулайликлар учун «Ҳудудгаз Самарқанд » газ таъминоти филиали маъмурияти табиий газ истеъмолчиларидан узр сўраган.