Koronavirus pandemiyasi sabab bir yilga muddatga kechiktirilgan futbol bo‘yicha Yevropa chempionati—2020 iyun-iyul oylarida mintaqaning o‘nta shahrida bo‘lib o‘tadi. “Daryo” Yevro—2020 oldidan terma jamoalar va guruhlardagi holatga qisqa sharh berib o‘tadi. Mazkur sonda A guruhi vakillariga to‘xtalib o‘tamiz.
A guruhi- Italiya
- Turkiya
- Uels
- Shveysariya
Italiya
- Bosh murabbiy: Roberto Manchini
- FIFA reytingi: 7-o‘rin
- Yevrodagi eng yaxshi natijasi: Oltin (1968-yil)
- Yulduz futbolchilar: Leonardo Bonuchchi, Marko Verratti, Chiro Immobile
Yevro—2016 musobaqasini o‘tkazib yuborgan jamoa bu safar juda ishonchli o‘yin ko‘rsatgan holda bo‘lajak turnirning favoritlari qatorida e’tirof etilmoqda. “Skuadra Adzurra” so‘nggi mag‘lubiyatni 2018-yilning oktabrida qabul qilib olgandi. Millatlar Ligasi yarim finalida jamoa Portugaliyaga imkoniyatni boy berib qo‘ygan. O‘shandan buyon Italiya biror marta ham mag‘lub bo‘lmadi.
Biroq italyanlarni oson bo‘lmagan guruh o‘yinlari kutib turibdi. Keyingi jamoalar deyarli bir xil darajada va Italiyadan nom borasida ortda qoladi, xolos. Qizig‘i, Italiyaning mintaqaviy musobaqadagi natijalari Jahon Chempionatlaridagi kabi maqtanarli emas. To‘rt bor mundial g‘olibi bo‘lgan apenninliklar Yevropa birinchiligida bor yo‘g‘i bir bor, o‘shanda ham omad evaziga (Yevro—1968 yarim finalida SSSR terma jamoasi bilan durangdan keyin qur’aga ko‘ra finalga yo‘l oladi) g‘oliblikni qo‘lga kiritgan.
Manchini musobaqa uchun quyidagi futbolchilarni tanlab olgan:
Darvozabonlar: Janluiji Donnarumma (“Milan”), Aleks Meret (“Napoli”), Salvatore Sirigu (“Torino”);
Himoyachilar: Franchesko Acherbi (“Latsio”), Alessandro Bastoni (“Inter”), Leonardo Bonuchchi, Jorjio Kyellini (ikkisi “Yuventus”), Jovanni di Lorenso (“Napoli”), Emerson Palmeri (“Chelsi”), Alessandro Florensi (“PSJ”), Leonardo Spinatssola (“Roma”), Rafael Toloi (“Atalanta”);
Yarim himoyachilar: Nikolo Barella, Stefano Sensi (ikkisi “Inter”), Jorjinyo (“Chelsi”), Manuel Lokatelli (“Sassuolo”), Brian Kristante, Lorenso Pellegrini (ikkisi “Roma”), Marko Verratti (“PSJ”);
Hujumchilar: Andrea Belotti (“Torino”), Domeniko Berardi (“Sassuolo”), Federiko Bernardeski, Federiko Kyeza (ikkisi “Yuventus”), Chiro Immobile (“Latsio”), Lorenso Insinye (“Napoli”).
Turkiya
- Bosh murabbiy: Shenol Gyunesh
- FIFA reytingi: 29-o‘rin
- Yevrodagi eng yaxshi natijasi: Bronza (2008-yil)
- Yulduz futbolchilar: Chag‘lar So‘yunjyu, Xoqon Chalxono‘g‘lu, Burak Yilmaz
Turkiya terma jamoasining ko‘plab futbolchilari Yevropa milliy chempionatlarida yorqin mavsumni o‘tkazdi. Terma jamoa sardori Burak Yilmaz, himoyachi Zeki Chelik va yarim himoyachi Yusuf Yaziji “Lill” safida Liga 1 g‘olibligini qo‘lga kiritdi. Chalxono‘g‘lu “Milan”ning asosiy figurasiga aylangan bo‘lsa, Ozan Kabak van Deyksiz qolgan “Liverpul” markaziy himoyasining asosiy vakiliga aylandi. “Lester”dagi Chag‘lar So‘yunjyu esa APLda mavsumning eng yaxshi himoyachilaridan biri bo‘ldi.
Turkiya murabbiylar shtabi musobaqa uchun quyidagi tarkibni tanlab oldi:
Darvozabonlar: Altay Bayindir (“Fenerbahche”), Mert Fehmi Gyunok (“Istanbul”), Ug‘urjan Chaqir (“Trabzonspor”);
Himoyachilar: Zeki Chelik (“Lill”), Chag‘lar So‘yunjyu (“Lester”), Kan Ayhan, Mert Myuldyur (ikkisi “Sassuolo”), Merih Demiral (“Yuventus”), O‘zan Kabak (“Shalke”), Ridvon Yilmaz (“Beshiktosh”), Umut Jengiz (“Gavr”);
Yarim himoyachilar: Yusuf Yaziji (“Lill”), Dorukhan Tokyoz (“Beshiktosh”), Irfon Kaxveji, O‘zan Tufan (ikkisi “Fenerbahche”), Okay Yokushlu (“Selta”), Orkun Kyokchyu (“Feyenord”), Taylan Antalyali (“Galatasaroy”), Xoqon Chalxono‘g‘lu (“Milan”);
Hujumchilar: Burak Yilmaz (“Lill”), Jengiz O‘nder (“Roma”), Enes Unal (“Xetafe”), Abdulqodir Omyur (“Trabzonspor”), Kerem Akturko‘g‘lu (“Galatasaroy”), Xalil Dervisho‘g‘lu (“Brentford”), Kenan Karaman (“Fortuna”).
Uels
- Bosh murabbiy: Rayan Giggz (Rob Peyj)
- FIFA reytingi: 17-o‘rin
- Yevrodagi eng yaxshi natijasi: Yarim final (2016-yil)
- Yulduz futbolchilar: Garet Beyl, Aaron Remzi
2020/21-yilgi mavsum Uels yulduzlari uchun oson bo‘ldi deb bo‘lmaydi. Jamoaning hujumdagi yulduzi Garet Beyl mavsum yakuniga kelibgina o‘zini namoyish qila boshladi, biroq barqarorlik borasida “golfchi” u qadar maqtana olmaydi. Aaron Remzi esa “Yuventus” zaxirasida qolib ketdi. Bu ham yetmaganidek jamoa Yevropa chempionatiga bosh murabbiysiz boradi. Giggz jinsiy zo‘ravonlikda ayblanmoqda va shu sabab Yevro—2020 ni o‘tkazib yuboradigan bo‘lyapti.
Uelsning Yevro—2020 uchun qaydnomasi:
Darvozabonlar: Ueyn Hennessi (“Kristal Pelas”), Denni Uord (“Lester”), Adam Devis (“Stok Siti”);
Himoyachilar: Kris Ganter (“Charlton Atletik”), Ben Devis, Jo Rodon (ikkisi “Tottenhem”), Kris Mifam (“Bornmut”), Tom Lokyer (“Luton Taun”), Neko Uilyams (“Liverpul”), Ris Norrington-Devis (“Stok Siti”), Konnor Roberts, Ben Kabango (ikkisi “Suonsi”);
Yarim himoyachilar: Aaron Remzi (“Yuventus”), Jo Allen (“Stok Siti”), Jonni Uilyams (“Kardiff”), Harri Uilson (“Liverpul”), Itan Ampadu (“Chelsi”), Devid Bruks (“Bornmut”), Jo Morrell (“Luton Taun”), Mettyu Smit (“Manchester Siti”), Dilan Levitt (“Manchester Yunayted”), Rubin Koluill (“Kardiff ”);
Hujumchilar: Garet Beyl (“Tottenhem” / “Real”), Kiffer Mur (“Kardiff”), Tayler Roberts (“Lids”), Deniel Jeyms (“Manchester Yunayted”).
Shveysariya
- Bosh murabbiy: Vladimir Petkovich
- FIFA reytingi: 13-o‘rin
- Yevrodagi eng yaxshi natijasi: 1/8 final (2016-yil)
- Yulduz futbolchilar: Granit Jaka, Jerdan Shakiri, Manuel Akanji
Shveysariya kamtarona tarkibga ega bo‘lsada musobaqalarda doim yetakchilarga muammo tug‘dirishi bilan yodda qolgan. Bu safar ham Petkovich jamoasini oson bo‘lmagan sinov kutib turibdi.
Shveysariyaning Yevro—2020 uchun qaydnomasi quyidagi ko‘rinishni oldi:
Darvozabonlar: Ivon Mvogo (“PSV”), Yonas Omlin (“Monpelye”), Yann Zommer (“Borussiya M”);
Himoyachilar: Manuel Akanji (“Borussiya D”), Loris Benito (“Bordo”), Eray Jemert (“Bazel”), Niko Elvedi (“Borussiya M”), Jordan Lotomba (“Nitssa”), Kevin Mbabu (“Volfsburg”), Bechir Omeragich (“Syurix”), Rikardo Rodriges (“Torino”), Fabian Sher (“Nyukasl”), Silvan Vidmer (“Bazel”);
Yarimhimoyachilar: Kristian Fassnaxt (“Yang Boyz”), Edimilson Fernandes (“Mayns”), Remo Froyler (“Atalanta”), Mario Gavranovich (“Dinamo Zagreb”), Admir Mehmedi (“Volfsburg”), Granit Jaka (“Arsenal”), Denis Zakariya (“Borussiya M”), Jibril Sou (“Ayntraxt F”), Ruben Vargas (“Augsburg”);
Hujumchilar: Bril Embolo (“Borussiya M”), Jerdan Shakiri (“Liverpul”), Haris Seferovich (“Benfika”), Stiven Zuber (“Ayntraxt F”).
Yevropa chempionati 11-iyunda Turkiya va Italiya terma jamoalari o‘rtasidagi bahs bilan boshlanadi. Musobaqaning final o‘yini 11-iyulga mo‘ljallangan.
Nodirxon Hamidxonov tayyorladi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)