Shavkat Mirziyoyev 2-iyun kuni Surxondaryo viloyati faollari bilan uchrashuvda viloyatda mahallabay ishlash tizimini takomillashtirish kerakligi haqida ta’kidladi, deya xabar bermoqda “Gazeta.uz”.
“Biz Surxondaryoda mahallabay ishlash tizimini takomillashtirishimiz kerak. 60 ta sektor rahbari 100 foiz ish vaqtini mahallada o‘tkazishi kerak. Ularning kabinetdagi ishlarini muovini bajaradi. Agar ular mahallaga tushib ishlasa, odamlar bilan ishlasa, ularga ish, sharoit topish, mahallaning o‘sish nuqtalarini belgilash bilan shug‘ullansa, jinoyatchilik kam bo‘ladi, norozilik kam bo‘ladi. O‘z-o‘zidan sohasining samaradorligi ortadi”, — degan u.
“Kabinetga qorovullik qilish o‘rniga odamlar oldiga, uyiga borib muammolarni hal qilish kerak. Yoshlar, xotin-qizlar, temir daftar bo‘yicha ishlash kerak”, — degan davlat rahbari. Prezident hokimlar bo‘yinbog‘ini yechib qo‘yib, haftada bir kun fuqarolar orasida yurib, masalalarni hal qilsa, ulardan rozi bo‘lishini ta’kidlagan.
Mavzuga doir: “Shu xalq uchun oylik olib yuribsizlar”. Prezident hokim har bir kambag‘al oila muammolarini bilishi kerakligini ta’kidladi
Izoh (0)