1-iyun kuni O‘zbekistonning Iroqdagi elchisi Bahrom A’loyev (qarorgohi Kuvaytda) prezident Barham Solihga ishonch yorliqlarini topshirdi. Bu haqda O‘zbekiston TIV matbuot xizmati xabar berdi.
Suhbat davomida Iroq rahbari Shavkat Mirziyoyevga birinchi bor mamlakatga elchi tayinlagani uchun minnatdorchiligini bildirgan.
“Mazkur qaror O‘zbekiston—Iroq aloqalarini kengaytirish va mustahkamlashga hissa qo‘shishiga ishonch bildirildi. Siyosiy muloqot, savdo-iqtisodiy va madaniy-gumanitar hamkorlikni rivojlantirishning muhimligi qayd etildi”, — deyiladi xabarda.
Avvalroq O‘zbekiston elchisi Avstriya prezidentiga ishonch yorliqlarini topshirgani, Abdulaziz Komilov Ukrainaning yangi tayinlangan elchisini qabul qilgani to‘g‘risida xabar berilgandi.
Izoh (0)