Lamborghini kompaniyasi o‘zining maxfiy modelini yo‘llarda sinovdan o‘tkazishni boshladi. Versiyalardan biriga ko‘ra, gap 770 ot kuchiga ega bo‘lgan Jota nomi ostidagi Aventador S’ning ekstremal versiyasi haqida ketmoqda, deb xabar beradi Motor.
Aventador S kuzovidagi kamuflyajlangan prototip model uchun nostandart diffuzor va gaz chiqarish tizimiga ega bo‘lgan — aftidan, u SVJ’dan olingan. Dastlabki ma’lumotlarga ko‘ra, avtomobil 770 ot kuchiga ega 6,5 litrli V8 benzin dvigateli yordamida harakatga keladi.
Jota versiyasi hozirgi Aventador uchun so‘nggisi bo‘ladi. 2024-yildan boshlab Lamborghini’ning barcha modellari kompaniyaning zararli chiqindilar miqdorini kamaytirish borasidagi strategiyasi doirasida elektrlashtirilgan dvigatellarga o‘tadi. Huracan, Aventador va Urus krossoveri gibrid motorga ega bo‘ladi, shuningdek, marka lineykasida 2025-yilga borib to‘liq elektrlashtirilgan superkarlar paydo bo‘ladi.
Mavzuga doir: Lamborghini kompaniyasi o‘z zavodi hududida 600 000 asalariga mo‘ljallangan uyalarni barpo etdi
Izoh (0)