Toshkent halqa yo‘li va Bunyodkor shohko‘chalari kesishmasidagi aylanma ko‘prik ustida sodir bo‘lgan yo‘l-transport hodisasi oqibatida bir kishi halok bo‘ldi. Bu haqda Zo‘r TV telekanalining “Bu kun” dasturida ma’lum qilindi.
Ma’lum qilinishicha, avtobuslardan biri piyodalar o‘tish yo‘lagidan o‘tayotgan fuqarolarga yo‘l berib to‘xtagan paytda, uning ortidan kelayotgan boshqa bir Isuzu haydovchisi o‘z vaqtida tormozlanishni amalga oshira olmay, uning ortiga kelib urilgan.
Dastlabki taxminlarga ko‘ra, avariya avtobusning belgilangan tezlik me’yoridan ortiq tezlikda harakatlangani natijasida kelib chiqqan.
Oqibatda piyodalardan biri og‘ir ahvolda shifoxonga yuborilgan. Biroq jabrlanuvchi shifoxonaga yetib borishi bilan vafot etgan.
Avvalroq Samarqandda haydovchining uxlab qolishi oqibatida “KamAZ” yuk mashinasi Isuzu bilan to‘qnashib ketgani, Buxoroda sodir bo‘lgan YTHda 14 yoshli maktab o‘quvchisi voqea joyida halok bo‘lgani, Yakkasaroyda Isuzu avtobusi bilan to‘qnashgan Nexia haydovchisi, Yashnobodda Matiz urib yuborgan yo‘lovchi vafot etgani to‘g‘risida xabar berilgandi.
Izoh (0)