Italiyaning superkarlar ishlab chiqarish bilan shug‘ullanuvchi Lamborghini kompaniyasi o‘z zavodi hududiga bir necha yuz ming asalariga mo‘ljallangan uyalarni joylashtirdi, deb xabar beradi Motor.
Santa-Agata-Bolonyeze komunnasidagi Lamborghini zavodi hududida asalari xo‘jaligini qurish ekologik biomonitoring loyihasining bir qismi hisoblanadi — asalarilar superkarlar ishlab chiqaruvchi korxona atrof-muhitni himoya qilishdagi barcha zaruriy talablarga javob berishiga ishonch hosil qilishga yordam beradi. Mahalliy asal va mum tahlili asosida mutaxassislar atrofdagi ifloslanishni aniqlay oladi, xususan, gap pestitsidlar, og‘ir metallar, dioksinlar va sog‘liq uchun zararli boshqa kimyoviy vositalar haqida ketmoqda.
Bundan tashqari, Lamborghini changni o‘z uyisining 200 metr atrofidan qidiradigan, ona asalari faqat o‘z nasli haqida qayg‘uradigan yolg‘iz asalarilar koloniyasini tadqiq etmoqda — bu kabi hasharotlar yordamida aniq tumanlarni o‘rganish va atrof-muhit haqida ancha samarali ma’lumotlarni yig‘ish mumkin. Buning uchun italiyaliklar sirti va ichiga videokameralar o‘rnatilgan yuqori texnologik uyalarni yaratgan. Zavod hududidagi asalari xo‘jaligida jami 600 mingga yaqin asalari yashaydi.
Ma’lumot uchun, bu kabi asalari xo‘jaliklari hozirda Rolls-Royce, Bentley va Porsche’da ham bor.
Izoh (0)