O‘zbekistonda 2021-yilning 4 oyi davomida bolalar ishtirokidagi yo‘l-transport hodisalari soni 25,3 foizga, ularda halok bo‘lgan bolalar soni 64,5 foizga oshgan. Bu haqda AOKAda o‘tkazilgan matbuot anjumanida Ichki ishlar vazirligi Yo‘l harakati xavfsizligi bosh boshqarmasi boshlig‘i o‘rinbosari, polkovnik Erali Bozorov ma’lum qildi.
Qayd etilishicha, maktablarga yetaklovchi yo‘llarda piyodalar svetoforlarini chaqiruv moslamasiga o‘tkazish zarur 185 zamonaviy piyodalar o‘tish joylari yetishmaydi.
Piyodalar yo‘lakchalari tashkil etilmagani va yoritilmagani natijasida erta tongda yoki tungi vaqtlarda voyaga yetmagan piyodalarning harakatlanish xavfsizligini ta’minlash imkoniyati cheklanmoqda. 2731 joyda tartibga solinmagan piyodalar o‘tish joyini sun’iy yoritish zarur.
Shuningdek, maktablarda o‘quvchilarga yo‘l harakati qoidalarini o‘rgatish talab darajasida yo‘lga qo‘yilmagan. Hali-hanuz bu yo‘nalishda alohida darslar tashkil etilmagan. Darslar faqat boshqa fanlar hisobidan, yetarli malakaga ega bo‘lmagan o‘qituvchilar tomonidan olib boriladi.
Ma’lum qilinishicha, 2021-yilning 4 oyi davomida bolalar ishtirokidagi yo‘l-transport hodisalari soni 25,3 foizga, ularda halok bo‘lgan bolalar soni 64,5 foizga oshib ketgan.
Bundan avval Farg‘onada bir haftada YTHlar oqibatida 20 kishi halok bo‘lgani, O‘zbekistonda o‘tgan to‘rt oy ichida sodir bo‘lgan YTHlar oqibatida 557 kishi halok bo‘lgani hamda Buxoroda sodir bo‘lgan YTHda 14 yoshli maktab o‘quvchisi voqea joyida halok bo‘lgani hamda
Izoh (0)