“Chelsi” Yevropa Chempionlar Ligasi finalida “Manchester Siti”ni mag‘lubiyatga uchratdi (1:0).
Londonliklar darvozaboni Eduard Mendi musobaqaning 2020/21-yilgi mavsumi 12 o‘yinidan 9 tasida o‘z darvozasi daxlsizligini saqlab qoldi.
Bu Chempionlar Ligasida debyut mavsumini o‘tkazgan darvozabonlar orasidagi rekord hisoblanadi.
Shuningdek, Mendi YChL bir mavsumida 9 ta quruq o‘yin o‘tkazgan tarixdagi uchinchi darvozabonga aylandi. Unga qadar Santyago Kanisares (2000/01) va Keylor Navas (2015/16) bu ishni uddalagandi.
“Chelsi” Mendini 2020-yilning kuzida “Renn”dan sotib olgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)