Тошкент вилояти ҳудудидаги Шоввозсой дарёсининг қуйи оқими чиқиндихонага айлангани ҳақида ижтимоий тармоқларда фотолар тарқалди.
Экология ва атроф-муҳитни муҳофаза қилиш давлат қўмитасининг маълум қилишича, ушбу суратлар ижтимоий тармоқларда пайдо бўлиши билан Тошкент вилояти Экология ва атроф-муҳитни муҳофаза қилиш бошқармаси, шунингдек, «Тоза ҳудуд» давлат унитар корхонаси мутахассислари чиқинди ташланган жойга етиб борган.
Юзага келган масала жойида ўрганилди ва ноқонуний чиқиндихона 29 май ҳолатига кўра бартараф этилган.
«Ҳозирги вақтда шу ерга яқин ҳудудда истиқомат қилувчи аҳоли, юридик ва жисмоний шахслар билан белгиланмаган жойга чиқинди ташламаслик хусусида тушунтириш ишлари олиб бориляпти», — дейилади қўмита хабарида.
Изоҳ (0)