Buxoro shahridagi “Sahid Zarafshon” mehmonxonasi yerto‘lasida yong‘in sodir bo‘ldi. Viloyat Favqulodda vaziyatlar boshqarmasi axborot xizmatining “Daryo”ga bergan birlamchi xabariga ko‘ra, yong‘in elektr simlarining nosozligi tufayli yuzaga kelgan.
Aytilishicha, yong‘in bugun, 30-may kuni sodir bo‘lgan.“‘Sahid Zarafshon’ mehmonxonasi yerto‘lasida elektr simlarining nosozligi tufayli sodir bo‘lgan yong‘in oqibatida yerto‘ladagi Boyler suv isitish qozonining yuza qismidagi elektr simlari yonib ketgan. Soat 07:43 da yong‘in haqidagi xabar Favqulodda vaziyatlar boshqarmasiga yetkazilgan. Yong‘inga 4 ta yong‘in qutqaruv avtoekipajlari jalb etilib, yog‘in qutqaruvchilar tomonidan 07:52 da o‘chirilgan”, — deyiladi boshqarma axborot xizmati xabarida.
Ta’kidlanishicha, qutqaruv vaqtida mehmonxonadagi 24 nafar fuqaro xavfsiz joyga olib chiqilgan.
Favqulodda vaziyatlar boshqarmasi axborot xizmatining qo‘shimcha qilishicha, yong‘inda kuyish, tan jarohati va halok bo‘lish holatlari bo‘lmagan. Hozirda moddiy zarar aniqlanmoqda.
Izoh (0)