Farg‘ona viloyati Furqat tumanida qaynanasiga tegishli plastik kartadan pul mablag‘larini o‘g‘irlab kelgan kuyovga sud hukmi o‘qildi, deb xabar beradi viloyati IIB axborot xizmati.
Ma’lum qilinishicha, R.V. ismli shaxs 7-may kunidan 11-may kunigacha bo‘lgan vaqt oralig‘ida birga yashovchi B.M. ismli qaynanasining xonadon oshxonasi shkafi ichida bo‘lgan plastik kartasidan 1,382 million so‘mni yashirin ravishda o‘g‘irlagan.
Mazkur holat yuzasidan Furqat tumani IIB huzuridagi tergov bo‘limi tomonidan Jinoyat kodeksining 169-moddasi 1-qismi (o‘g‘rilik) bilan jinoyat ishi qo‘zg‘atilgan. Mazkur moddada ko‘rsatilgan jinoyatni sodir etgan shaxsga uch yilgacha ozodlikdan mahrum qilish jazosi tayinlanishi mumkin.
Bunga qadar Toshkentda kelin qaynatasining 25 ming dollarini, G‘ijduvonda esa kelin o‘z qaynatasining 1000 dollar pulini o‘g‘rilab ketgani to‘g‘risida xabar berilgandi.
Izoh (0)