Фарғона вилояти Фурқат туманида қайнанасига тегишли пластик картадан пул маблағларини ўғирлаб келган куёвга суд ҳукми ўқилди, деб хабар беради вилояти ИИБ ахборот хизмати.
Маълум қилинишича, Р.В. исмли шахс 7 май кунидан 11 май кунигача бўлган вақт оралиғида бирга яшовчи Б.М. исмли қайнанасининг хонадон ошхонаси шкафи ичида бўлган пластик картасидан 1,382 миллион сўмни яширин равишда ўғирлаган.
Мазкур ҳолат юзасидан Фурқат тумани ИИБ ҳузуридаги тергов бўлими томонидан Жиноят кодексининг 169-моддаси 1-қисми (ўғрилик) билан жиноят иши қўзғатилган. Мазкур моддада кўрсатилган жиноятни содир этган шахсга уч йилгача озодликдан маҳрум қилиш жазоси тайинланиши мумкин.
Бунга қадар Тошкентда келин қайнатасининг 25 минг долларини, Ғиждувонда эса келин ўз қайнатасининг 1000 доллар пулини ўғрилаб кетгани тўғрисида хабар берилганди.
Изоҳ (0)