Davlat xavfsizlik xizmati raisi, O‘FA prezidenti Abdusalom Azizov JCh—2022 va Osiyo Kubogi—2023 qo‘shma saralashiga tayyorgarlik ko‘rayotgan O‘zbekiston milliy terma jamoasi vakillari bilan uchrashdi.
Saudiya Arabistonida markazlashgan tizimda o‘tadigan musobaqa oldidan 27-may kuni O‘FA rahbari terma jamoa futbolchilari va murabbiylar shtabi bilan uchrashdi. Unda Abdusalom Azizov terma jamoa oldida turgan musobaqalarning mas’uliyati, nomzodlarning asosiy tarkibga loyiqligini isbotlashi qanchalik zarurligi, har bir o‘yinga sidqidildan tayyorlanish lozimligi haqida fikr bildirdi. Shuningdek, Azizov musobaqada jamoaga omad tiladi.
O‘zbekiston terma jamoasi 28-may kuni BAAga jo‘nab ketadi. Dubay shahrida 1-iyunga qadar yig‘in bo‘lib o‘tadi va unda Tailand terma jamoasiga qarshi o‘rtoqlik uchrashuvi tashkil etiladi.
Avvalroq Vadim Abramov Saudiya Arabistoniga boradigan yakuniy tarkibni e’lon qilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)