Давлат хавфсизлик хизмати раиси, ЎФА президенти Абдусалом Азизов ЖЧ—2022 ва Осиё Кубоги—2023 қўшма саралашига тайёргарлик кўраётган Ўзбекистон миллий терма жамоаси вакиллари билан учрашди.
Саудия Арабистонида марказлашган тизимда ўтадиган мусобақа олдидан 27 май куни ЎФА раҳбари терма жамоа футболчилари ва мураббийлар штаби билан учрашди. Унда Абдусалом Азизов терма жамоа олдида турган мусобақаларнинг масъулияти, номзодларнинг асосий таркибга лойиқлигини исботлаши қанчалик зарурлиги, ҳар бир ўйинга сидқидилдан тайёрланиш лозимлиги ҳақида фикр билдирди. Шунингдек, Азизов мусобақада жамоага омад тилади.
Ўзбекистон терма жамоаси 28 май куни БААга жўнаб кетади. Дубай шаҳрида 1 июнга қадар йиғин бўлиб ўтади ва унда Таиланд терма жамоасига қарши ўртоқлик учрашуви ташкил этилади.
Аввалроқ Вадим Абрамов Саудия Арабистонига борадиган якуний таркибни эълон қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)