25-may kuni o‘tkazilgan Oliy Majlis Senati Kengashining majlisida ayrim budjetdan tashqari maqsadli jamg‘armalar mablag‘lari shakllantirilishi va ulardan foydalanish samaradorligini o‘rganish natijalariga oid masala ko‘rib chiqildi. Bu haqda Senat matbuot xizmati xabar berdi.
Ta’kidlanishicha, 2018—2020-yillarda test sinovlari shaffof va adolatli o‘tkazilishini ta’minlash uchun jamg‘arma hisobidan 93,3 milliard so‘m sarflangan.
Shunga qaramay, 2019/2020-o‘quv yili qabuli test sinovlarida ishtirok etish uchun ariza bergan abituriyentlardan 896,4 million so‘m ortiqcha to‘lov undirilgan. Bundan tashqari, 30 milliard so‘m mablag‘ tijorat banklari depozitlariga elektron saralash tizimisiz to‘g‘ridan to‘g‘ri tuzilgan kelishuv asosida joylashtirilgan.
Eslatib o‘tamiz, 2020-yilda O‘zbekiston bo‘yicha 91 ta oliy ta’lim muassasasida o‘qish uchun 1 million 484 ming 85 nafar abituriyent hujjat topshirgan (2019-yilda 1 million 66 ming 926 abituriyent). Bu ko‘rsatkich o‘tgan yilga nisbatan 417 ming 159 nafarga yoki 39,1 foizga ko‘p.
Izoh (0)