Las-Vegas iyun oyida bo‘lib o‘tadigan Barrett Jackson auksionida “Forsaj” filmining bosh qahramoni — marhum Pol Uoker ijrosidagi Brayan O’Konnor harakatlangan to‘q sariq Toyota Supra sotuvga qo‘yiladi, deb xabar beradi Motor.
Yapon sportkarining blokbasterdagi roli mashinani butun boshli avtomobil ishqibozlari uchun noyobga aylantirgan. Film prokatga chiqqach, ushbu Toyota’ning ko‘plab nusxalari yaratilgan.
Sotuvga qo‘yilgan mashina hero car deyiladi: avtomobildan yirik planlarni suratga olishda foydalanilgan va shu sababli uning texnik holati yaxshi (tryuklarni bajaradigan boshqa mashinalardan farqli o‘laroq). Supra’ning 1994-yilda ishlab chiqarilgan ushbu nusxasi ikkita turbinaga ega standart 2JZ-GTE dvigatel hamda to‘rt pog‘onali A340E avtomatik transmissiyasi bilan jihozlangan.
Film uchun mashina Lamborghini’ning yorqin sariq rangiga bo‘yalgan, San-Diegodagi Modern Image ustaxonasi esa Nuclear Gladiator aerografiyasini amalga oshirgan. Mashinaga Bomex “obvesi”, TRD kapoti, APR alyuminiy antiqanoti va Dazz Motorsport Racing g‘ildiraklari o‘rnatilgan.
Aynan mazkur avtomobil franshizaning ikkinchi filmida ham suratga tushgan: Supra’da ikkinchi darajai personaj Slep Jek harakatlangan. “Ikkitalik Forsaj” uchun mashina tillarangga bo‘yalgan va “obvesi” o‘zgartirilgan, biroq keyin yana dastlabki holatiga qaytarilgan.
Barrett Jackson auksioni 17—19-iyun kunlari bo‘lib o‘tadi va Supra zaxirasiz sotiladi.
Avvalroq “Forsaj” filmida omon qolgan yagona Livan sportkari auksionga qo‘yilishi, Avstraliyada “Forsaj” filmida suratga tushgan 50 yillik Chevrolet auksionga qo‘yilgani, Pol Uokerga tegishli bo‘lgan o‘rta motorli BMW M1 superkari sotilayotgani to‘g‘risida xabar berilgandi.
Mavzuga doir:
Izoh (0)