Тошкентнинг қатор кўчаларида йўл таъмирлаш ишлари олиб борилаётгани сабаб 30 кунга транспорт воситаларининг ҳаракати вақтинча чекланади. Бу ҳақда пойтахт ҳокимлиги матбуот хизмати хабар берди.
- Кичик ҳалқа автомобиль йўлидан (КҲАЙ) Аҳмад Дониш кўчасига тушиш йўли (мўлжал: Тахтапул масжиди);
- Аҳмад Дониш кўчасидан Кичик ҳалқа автомобиль йўлига чиқиш йўли;
- Аҳмад Дониш кўчаси—Султан ресторанидан КҲАЙга чиқиш йўлигача;
- Аҳмад Дониш кўчаси—«Юнусобод» бозори яқинидаги чорраҳадан Аҳмад Дониш кўчасига чиқиш йўлигача.
Ушбу йўл қисмларида тирбандликларнинг олдини олиш мақсадида ҳайдовчиларга айланма йўллардан фойдаланиш тавсия қилинади.
Аввалроқ Тошкент вилоятидаги Келес кўприги «таъмирлаш ишлари якунлангунига қадар» ёпилгани, таъмир қачонгача давом этиши номаълумлиги тўғрисида хабар берилганди.
Изоҳ (0)