Ijtimoiy tarmoqlarda Samarqand viloyati Oqdaryo tumanidagi 63-sonli ixtisoslashgan maktab-internatdagi yuz-ko‘zlari ko‘kargan bolalar aks etgan suratlar muhokamaga sabab bo‘lmoqda. Holat yuzasidan Senat axborot xizmati ma’lumot berdi.
Qayd etilishicha, mazkur holat Senatning Fan, ta’lim va sog‘liqni saqlash masalalari qo‘mitasi tomonidan nazoratga olingan. Tegishli idoralarga ushbu masala qonuniy ko‘rib chiqilishi yuzasidan ko‘rsatmalar berilgan.
Samarqand viloyati hokimligining ta’kidlashicha, holat yuzasidan ishchi guruh tuzilib, o‘rganish ishlari olib borilmoqda.
Faoliyati davomida mas’uliyatsizlikka yo‘l qo‘ygan mas’ullar bilan tuzilgan mehnat shartnomalari bekor qilinib, amaldagi qonunchilikka muvofiq surishtiruv ishlari davom etmoqda, deyiladi hokimlik xabarida.
Maktab-internatda sodir bo‘lgan mazkur holat yuzasidan o‘rganish natijalariga asosan batafsil ma’lumot berilishi ma’lum qilingan.
Bundan avval Qashqadaryoda bemorni haqoratlagan shifokor o‘z xohishiga ko‘ra ishdan bo‘shagani, Navoiyda o‘quvchi qizning onasi farzandidan maktabga formada kelishini so‘ragan o‘qituvchini kaltaklagani hamda Toshkentda 92 yoshli ayol qizi va nevarasi tomonidan kaltaklangani haqida xabar berilgandi.
Izoh (0)