Davlat statistika qo‘mitasi ma’lumotlariga ko‘ra, O‘zbekiston aprel oyida oltin sotishni qayta tiklamadi. Mamlakat ushbu metallni oxirgi marta 2020-yilning avgust oyida sotgan.
Spot buni noodatiy holat deb baholadi, chunki oltin respublikaning bir necha yillardan buyon asosiy eksporti bo‘lib kelgan. Ba’zan unga eksportning 50 foizi va undan ortig‘i to‘g‘ri kelgan. So‘nggi yillarda mamlakat yiliga 100 tonnadan ortiq oltin eksport qilgan. Ammo 2021-yilda hali oltin sotmadi.
Ko‘pgina mamlakatlarda oltin qazib oluvchilar uni o‘zlari eksport qiladi. Ammo O‘zbekistonda yagona sotuvchi bu Markaziy bank. U oltinni qazib oluvchilardan (masalan, “Navoiy kon-metallurgiya kombinati”) sotib olib, boshqa mamlakatlarga (asosan Shveysariyaga) eksport qiladi.
Aprel oyi oxirlarida Markaziy bank boshqaruvi raisining o‘rinbosari Behzod Xamroyev oltin sotish ushbu metallarning narxi eng yuqori darajaga ko‘tarilsa, qayta tiklanishini aytgandi.
Xabar yozilgan vaqtda bir unsiya oltin narxi 1887 dollarni tashkil etmoqda. Bu 2020-yilning yozida (2000 dollar atrofida) bo‘lganidek qimmat emas, shu bilan birga, 2021-yilning boshlarida (1750 dollar atrofida) bo‘lgandek arzon ham emas.
Oltin sotishdan tushgan mablag‘ nimaga sarflanadi?
Sanoatga. Sotuvdan tushgan pul asosan yuk mashinalari, to‘qimachilik tolasini qayta ishlash mashinalari, ekskavatorlar va buldozerlar, motorlar, generatorlar va transformatorlar sotib olishga sarflanadi. Tuproqni saralash va maydalash uchun uskunalar importi sezilarli darajada oshdi.
Izoh (0)