Farg‘ona viloyati hokimining qarori bilan Bahodir Xoliqov viloyat hokimining o‘rinbosari — Mahalla va oilani qo‘llab-quvvatlash boshqarmasi boshlig‘i etib tayinlandi. Bu haqda viloyat hokimligi matbuot xizmati xabar berdi.
Bahodir Xoliqov 1972-yil 26-yanvarda Rishton tumanida tug‘ilgan. Ma’lumoti oliy. 1994-yil Toshkent davlat iqtisodiyot universitetini tamomlagan. Yangi o‘rinbosar tayinlovga qadar soliq tizimida turli mas’ul lavozimlarda faoliyat yuritgan, Marg‘ilon, Quvasoy va Farg‘ona shaharlari Davlat soliq inspeksiyalari boshlig‘i bo‘lgan.
2019−2020-yillarda Quvasoy shahar hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari — shahar iqtisodiy taraqqiyot va kambag‘allikni qisqartirish bo‘limi boshlig‘i bo‘lib faoliyat olib borgan.
Tayinlovga qadar Bahodir Xoliqov viloyat Bandlik bosh boshqarmasi boshlig‘i lavozimida ishlab kelayotgan edi.
Eslatib o‘tamiz, 2020-yilning fevralida Saidmurod Aminjonov Farg‘ona viloyati hokimi o‘rinbosari – Mahalla va oilani qo‘llab-quvvatlash boshqarmasi boshlig‘i etib tayinlangandi.
Avvalroq Iqboljon Ergashev Farg‘ona viloyati hokimi o‘rinbosari — Investitsiyalar va tashqi savdo boshqarmasi boshlig‘i etib tayinlangani to‘g‘risida xabar berilgandi.
Izoh (0)