Toshkent viloyat PPX xodimlari tomonidan 800 ta holatda tig‘li jismlar olib yurish fakti aniqlanib, 18 nafar qidiruvdagi shaxslar ushlandi, deya xabar bermoqda viloyat IIBB.
Qayd etilishicha, o‘tgan 4 oy mobaynida 800 nafardan ortiq ish va yashash joyi noaniq bo‘lgan shaxslar reabilitatsiya markazlariga joylashtirildi.
Toshkent viloyati IIBB Patrul-post xizmati va jamoat tartibini saqlash boshqarmasi xodimlari tomonidan viloyat hududida jinoyatchilikning oldini olish, jamoat va fuqarolar xavfsizligini ta’minlash bo‘yicha bir qator choralar ko‘rilmoqda.
Jumladan, 2021-yilning o‘tgan 4 oyi mobaynida Patrul-post xizmati xodimlari ishtirokida ko‘plab jinoyatlar fosh etilgan bo‘lsa, 18 nafar qidiruvda bo‘lgan shaxslar aniqlanib, ushlandi.
Shuningdek, bedarak yo‘qolgan 7 nafar shaxs oilasiga qaytarilgan bo‘lsa, ish va yashash joyi noaniq bo‘lgan 838 nafar shaxslar reabilitatsiya markazlariga joylashtirildi.
Jinoyatning asosiy vositalaridan biri bo‘lgan qurollanish, ya’ni o‘tkir tig‘li jismlar va boshqa noqonuniy qurollarni olib yurish, saqlash bo‘yicha o‘tkazilgan “Tig‘” maxsus-profilaktik tadbiri davomida, 811 nafardan ortiq fuqarolardan 792 ta o‘tkir tig‘li jismlar tegishli tartibda olinib sodir etilishi mumkin bo‘lgan ko‘ngilsiz holatlarning oldi olindi.
Ularning, 675 tasi pichoq, 9 tasi kastet, 8 ta bita va 100 ta boshqa ko‘rinishdagi o‘tkir tig‘li jismlarni tashkil qiladi.
Bundan avval Buxoroda tadbirkorning o‘zi va oilasiga qurolli bosqinchilik uyushtirmoqchi bo‘lganlar qo‘lga olingani, Farg‘onada xonadonga bostirib kirib, uy egalariga tan jarohati yetkazgan niqobli bosqinchilar ushlangani hamda Toshkent viloyatida o‘tkazilgan “Tig‘” tadbiri davomida pichoq ko‘tarib yurgan 400 dan ortiq shaxs aniqlangani haqida xabar berilgandi.
Izoh (0)