Surxondaryoda 22-may — Xalqaro bioxilma-xillikni asrash kuni archalar ommaviy kesildi. Bu haqda “Ekolog.uz” Telegram kanalida ma’lum qilindi.
Qayd etilishicha, Termizda Xayraton ko‘prigiga yaqin hududda qurilayotgan “Termiz kargo” eksport markazining chap tomonida Afg‘oniston bilan savdo aloqalarini kuchaytirish maqsadida katta bozor qurilmoqda.
O‘zbekistonda daraxtlarni kesishga qarshi moratoriy joriy etilganiga qaramay, o‘sha hududdagina mavjud bo‘lgan archazorlar ayovsiz kesilgan.
Davlat ekologiya qo‘mitasi ushbu masala Surxondaryo viloyat Ekologiya va atrof-muhitni muhofaza qilish boshqarmasi nazoratiga olinganini bildirgan.
Eslatib o‘tamiz, Shavkat Mirziyoyevning 3-fevraldagi farmoni bilan O‘zbekistonda daraxt va butalarni kesishga o‘rnatilgan moratoriy muddati 2021-yil oxirigacha uzaytirilgan. Shuningdek, daraxtlarni noqonuniy kesganlik uchun jarima miqdori ikki baravarga oshirilgan.
Izoh (0)