Shahrisabz shahar tibbiyot birlashmasi xodimlari majburiy mehnatga jalb qilingani haqida xabarlar tarqaldi. Qashqadaryo viloyati sog‘liqni saqlash boshqarmasi axborot xizmati ushbu holatga munosabat bildirdi, deya xabar bermoqda “Xabar.uz”.
O‘zbekiston Bandlik va mehnat munosabatlari vazirligi Davlat mehnat inspeksiyasi tomonidan aniqlanishicha, Shahrisabz shahar tibbiyot birlashmasi tez tibbiy yordam bo‘limida xo‘jalik bekasi sifatida faoliyat yuritayotgan Z.A. qo‘l ostida ishlovchi xodimlari O.B.ning navbatchilik vaqti tugaganidan so‘ng, M.A. va M.A.ni esa ish vaqtida o‘zlariga yuklangan vazifalarni bajartirmasdan, ularni mehnatga ma’muriy tarzda majburlagan.
Davlat mehnat inspeksiyasi qaroriga asosan Z.A.ga nisbatan Ma’muriy javobgarlik to‘g‘risidagi kodeksning tegishli moddasiga ko‘ra ma’muriy javobgarlik to‘g‘risida ish qo‘zg‘atish va amaldagi bazaviy hisoblash miqdorining ellik barobari miqdorida jarima jazosi tayinlash belgilandi.
Qayd etilishicha, shahar tibbiyot birlashmasi xodimlari (2021-yil 30-mart kunidagi 13 va 4-maydagi 18-sonli yig‘ilish bayonlariga asosan) majburiy mehnatga jalb etmaslik bo‘yicha ogohlantirilgan va zarur tushuntirish ishlari olib borilgan.
Mavzuga doir:
- O‘zbekiston Xalqaro mehnat tashkilotining yana ikkita konvensiyasini ratifikatsiya qilish niyatida
- Qashqadaryo va Andijonda tibbiyot xodimlari va o‘qituvchilarni majburiy mehnatga jalb qilgan mansabdorlar 12,2 mln so‘m jarimaga tortildi
- “Majburiy mehnatga jalb etish holatlarida asl aybdorlarni javobgarlikka tortish kerak” — Sherzod Shermatov
Izoh (0)