O‘zbekistonda o‘tgan bir sutka ichida yana 287 kishida koronavirus tasdiqlandi

O‘zbekistonda 22-may, shanba kuni yana 287 kishida koronavirus tasdiqlandi, deb xabar berdi Sog‘liqni saqlash vazirligi matbuot xizmati. Bu ko‘rsatkich 21-may kuni 308 nafar, 20-may kuni 313 nafar, 19-may kuni 263 nafarni tashkil etgandi.

Yangi kasallanganlarning:

• 1 nafari Qoraqalpog‘istonda,
• 6 nafari Andijon viloyatida,
• 4 nafari Buxoro viloyatida,
• 3 nafari Jizzax viloyatida,
• 4 nafari Qashqadaryo viloyatida,
• 2 nafari Navoiy viloyatida,
• 8 nafari Namangan viloyatida,
• 43 nafari Samarqand viloyatida,
• 7 nafari Sirdaryo viloyatida,
• 2 nafari Surxondaryo viloyatida,
• 6 nafari Farg‘ona viloyatida,
• 5 nafari Xorazm viloyatida,
• 60 nafari Toshkent viloyatida,
• 136 nafari Toshkent shahrida

Vazirlikning qo‘shimcha qilishicha, so‘nggi sutkada Qoraqalpog‘istonda 16 nafar, Andijon viloyatida 29 nafar, Qashqadaryo viloyatida 9 nafar, Namangan viloyatida 12 nafar, Samarqand viloyatida 39 nafar, Farg‘ona viloyatida 12 nafar, Toshkent viloyatida 56 nafar, Toshkent shahrida 124 nafar bemor tuzalib, kasallikdan sog‘ayganlar jami 93 930 nafarga yetdi va sog‘ayish ko‘rsatkichi 95 foizni tashkil etmoqda.

Shu kuni koronavirusga chalingan bemorlar orasida o‘lim holatlari qayd etilmagan. Bundan avval ketma-ket olti kun davomida ikki nafardan bemor vafot etayotgandi.

Vazirlik ayni paytda tibbiyot muassasalarida 3841 nafar bemor davolanayotganini bildirgan.