Saudiya Arabistoni tashqi ishlar vaziri Feysal bin Farhon Al-Arabiya telekanaliga bergan intervyusida Eronning yadroviy dasturini Yaqin Sharq mintaqasi barqarorligiga tahdid deb hisoblashini ma’lum qildi.
Feysal o‘z intervyusida Eronning yadroviy dasturi mintaqada tinchlik o‘rnatish, barqarorlikni ta’minlash uchun tahdid ekanligi, barcha uchun birdek zarur bo‘lgan tinchlik shartnomasini tuzish yo‘lidagi g‘ovligini ta’kidlagan.
Avval Saudiya Arabistonning BMTdagi doimiy vakili, elchi Abdulloh al-Muallimiy Eronni Venadagi muzokaralarda ishtirok etishga chorlagan va bu ish mintaqada tinchlikni o‘rnatish yo‘lidagi eng to‘g‘ri qarorlardan biri bo‘lishi mumkinligini aytib o‘tgandi.
O‘z navbatida Tehron bir necha marta yadroviy dasturning tinchlik yo‘lida amalga oshirilayotganligi va bundan ko‘zlangan asosiy maqsad ilmiy izlanishlar orqali aholi farovonligini ta’minlash ekanligini bildirgan.
2021-yil yanvar oyi oxirida Saudiya Arabistoni tashqi ishlar vaziri Ar-Riyodning Eron bilan munosabatlarni tiklashga tayyorligini bildirgan.
Izoh (0)