O‘zbekiston mustaqilligi va suverenitetini qo‘llab-quvvatlovchi rezolyutsiya AQSh Kongressiga ko‘rib chiqish uchun kiritildi. Bu haqda Kongress saytida xabar berildi.
Hujjatda Prezident Shavkat Mirziyoyev islohotlari dasturining ahamiyati ta’kidlanib, inson huquqlari, so‘z va OAV erkinligi, din erkinligini ta’minlash, shuningdek, korrupsiyaga qarshi choralarni ilgari surish bilan bog‘liq vaziyat yaxshilanishi olqishlanadi.
Shuningdek, hujjatda O‘zbekistonning Markaziy Osiyoda iqtisodiy yetakchi davlat sifatida o‘rni tobora oshib borayotgani ta’kidlanib, uning Afg‘onistondagi mojaroni tinch yo‘l bilan hal qilish bo‘yicha sa’y-harakatlari yuqori baholanmoqda.
Hozirgacha rezolyutsiyani 10 nafar kongressmen qo‘llab-quvvatlagan. Iyun oyining o‘rtalariga kelib hujjat AQSh Vakillar palatasida qabul qilish uchun yetarli ovoz to‘plashi kutilmoqda.
Hujjatning qabul qilinishi O‘zbekiston mustaqilligining 30 yilligi va buni AQSh tan olganligining 30 yilligiga ramziy ma’no beradi.
Kongress ushbu rezolyutsiyani qabul qilsa, AQSh bu orqali O‘zbekiston mustaqilligi, hududiy yaxlitligi va suverenitetini ta’kidlagan holda, so‘nggi yillarda mamlakatda muhim siyosiy, iqtisodiy va ijtimoiy islohotlar bo‘layotganini tan oladi.
Bundan tashqari, kongressmenlar ushbu rezolyutsiyada O‘zbekiston hukumatini turli sohalarda yangi imkoniyatlar ochish uchun AQSh bilan yanada chuqurroq iqtisodiy hamkorlikka chaqirishi kutilmoqda.
Mavzuga doir:
- Islom Karimov diktatormidi? AQSh elchisi O‘zbekistonning ikki prezidentini taqqosladi
- Nega AQSh elchixonasi o‘zbekistonliklar bergan viza arizalarining 65—70 foizini rad etadi?
- “Agar kimdir siyosiy partiya tuzmoqchi bo‘lsa, uning yo‘lida to‘siqlar bo‘lmasligi kerak” — AQShning O‘zbekistondagi elchisi
Izoh (0)