Jons Hopkins universiteti ma’lumotlariga qaraganda, dunyoda koronavirusni yuqtirib olganlar soni 163 685 287 kishiga yetdi. Ushbu ko‘rsatkich bo‘yicha doimgidek AQSh (32,9 million), Hindiston (25,2 million) va Braziliya (15,6 million) yetakchilik qilmoqda. Global o‘limlar soni esa 3 391 740 kishini tashkil etmoqda.
Turkiya hukumati koronavirus epidemiyasini jilovlashga muvaffaq bo‘ldi.
“Ramazon oyida joriy qilingan to‘liq lokdaun evaziga pandemiya nazoratga olindi. Vazirlar Mahkamasining yig‘ilishida mamlakatdagi vaziyatni normallashtirish bo‘yicha 1-iyundan keyin boshlanadigan ikkinchi bosqichni ham muhokama qildik”, — dedi Turkiya prezidenti Rajab Toyyib Erdo‘g‘on.
U rasmiylar xavf guruhlariga kiruvchi aholining barchasini emlash bo‘yicha ish olib borayotganini va karantin choralari “xalqni qiynash” uchun emas, balki “og‘ir” davrdan tezroq o‘tish uchun qabul qilinganini qo‘shimcha qildi. Turkiya prezidentining fikricha, eng yomoni ortda qoldi, ammo cheklov choralarini butunlay olib tashlashga yana biroz vaqt kerak bo‘ladi.
Turkiyada 29-apreldan 17-maygacha to‘liq lokdaun joriy qilingan edi. 4-may kuni hukumat rejimni yanada kuchaytirgan. 17-maydan mamlakatdagi karantin rejimi bosqichma-bosqich yumshatila boshladi.
Mavzuga doir: Turkiya 15-maydan boshlab 16 ta mamlakatdan kelgan sayyohlar uchun koronavirusga test topshirish majburiyatini bekor qiladi
Hindiston COVID-19’ga qarshi yangi dorining birinchi partiyasini muomalaga chiqardi
2-dezoksi-D-glyukoza (2-DG) deb nomlanadigan preparat Yadro tibbiyoti va ittifoqdosh fanlar instituti (INMAS) hamda Mudofaa tadqiqotlari va rivojlantirish tashkiloti (DRDO) laboratoriyasi tomonidan Haydorobod shahridagi Dr. Reddy’s Laboratories hind farmatsevtika kompaniyasi bilan hamkorlikda ishlab chiqarilgan.Hindiston mudofaa vaziri Rajnat Singx Favqulodda vaziyatlarda foydalanishga mo‘ljallangan dori-darmonlarni nazorat qilish boshlig‘i tasdig‘idan o‘tgan 2-DG’ning birinchi partiyasini sog‘liqni saqlash vaziri Xarsh Vardxanga topshirdi.
Hindistonda COVID-19’dan kunlik o‘lim bo‘yicha yangi antirekord o‘rnatildiMamlakatda o‘tgan bir kecha-kunduzda 4329 kishi koronavirus tufayli vafot etdi. Bu 24 soat ichida qayd etilgan antirekord darajadagi ko‘rsatkich. Bungacha sutkalik o‘limlar bo‘yicha antirekord 12-mayda kuzatilgan — 4205 kishi.
Mamlakatda o‘tgan kun davomida yana 263 533 kishida COVID-19 aniqlandi. Pandemiya boshidan buyon Hindistonda 25 228 996 kishi koronavirus bilan kasallangan, ularning 278 719 nafari virus qurboniga aylangan. Hindiston infeksiyaga chalinganlar soni bo‘yicha AQShdan keyin ikkinchi o‘rinda turadi.
Mavzuga doir: Hindiston hukumati jasadlarning Ganga daryosiga noqonuniy tashlanishiga qarshi kurashmoqda
Rossiya prezidenti Vladimir Putin to‘rtinchi vaksina tez orada muomalaga kiritilishini aytdi, ammo aynan qaysi preparat haqida gap ketayotganiga aniqlik kiritmadi.
Rossiya shu kunga qadar koronavirusga qarshi ishlab chiqargan uchta vaksinasini ro‘yxatdan o‘tkazgan. Ularning birinchisi nafaqat Rossiyada, balki butun dunyoda birinchi bo‘lib ishlab chiqilgan “Sputnik V” vaksinasi. Gamaleya markazida ishlab chiqarilgan mazkur preparat Rossiyada avgust oyida ro‘yxatdan o‘tkazilgan.
Undan so‘ng “Vektor” markazining “EpiVakKorona” hamda Chumakova nomidagi markazning “KoviVak” vaksinalari ro‘yxatdan o‘tkazilgan.
Rossiyada tasdiqlangan so‘nggi “Sputnik Layt” vaksinasi bir komponentli bo‘lib, undan epidemiologik jarayonning noqulay rivojlanishi sharoitida aholi immunitetini tezda shakllantirish uchun foydalanish mumkin.
Izoh (0)