Жонс Ҳопкинс университети маълумотларига қараганда, дунёда коронавирусни юқтириб олганлар сони 163 685 287 кишига етди. Ушбу кўрсаткич бўйича доимгидек АҚШ (32,9 миллион), Ҳиндистон (25,2 миллион) ва Бразилия (15,6 миллион) етакчилик қилмоқда. Глобал ўлимлар сони эса 3 391 740 кишини ташкил этмоқда.
Туркия ҳукумати коронавирус эпидемиясини жиловлашга муваффақ бўлди.
«Рамазон ойида жорий қилинган тўлиқ локдаун эвазига пандемия назоратга олинди. Вазирлар Маҳкамасининг йиғилишида мамлакатдаги вазиятни нормаллаштириш бўйича 1 июндан кейин бошланадиган иккинчи босқични ҳам муҳокама қилдик», — деди Туркия президенти Ражаб Тоййиб Эрдўғон.
У расмийлар хавф гуруҳларига кирувчи аҳолининг барчасини эмлаш бўйича иш олиб бораётганини ва карантин чоралари «халқни қийнаш» учун эмас, балки «оғир» даврдан тезроқ ўтиш учун қабул қилинганини қўшимча қилди. Туркия президентининг фикрича, энг ёмони ортда қолди, аммо чеклов чораларини бутунлай олиб ташлашга яна бироз вақт керак бўлади.
Туркияда 29 апрелдан 17 майгача тўлиқ локдаун жорий қилинган эди. 4 май куни ҳукумат режимни янада кучайтирган. 17 майдан мамлакатдаги карантин режими босқичма-босқич юмшатила бошлади.
Мавзуга доир: Туркия 15 майдан бошлаб 16 та мамлакатдан келган сайёҳлар учун коронавирусга тест топшириш мажбуриятини бекор қилади
Ҳиндистон COVID-19’га қарши янги дорининг биринчи партиясини муомалага чиқарди
2-дезокси-D-глюкоза (2-DG) деб номланадиган препарат Ядро тиббиёти ва иттифоқдош фанлар институти (INMAS) ҳамда Мудофаа тадқиқотлари ва ривожлантириш ташкилоти (DRDO) лабораторияси томонидан Ҳайдоробод шаҳридаги Dr. Reddy’s Laboratories ҳинд фармацевтика компанияси билан ҳамкорликда ишлаб чиқарилган.Ҳиндистон мудофаа вазири Ражнат Сингх Фавқулодда вазиятларда фойдаланишга мўлжалланган дори-дармонларни назорат қилиш бошлиғи тасдиғидан ўтган 2-DG’нинг биринчи партиясини соғлиқни сақлаш вазири Харш Вардханга топширди.
Ҳиндистонда COVID-19’дан кунлик ўлим бўйича янги антирекорд ўрнатилдиМамлакатда ўтган бир кеча-кундузда 4329 киши коронавирус туфайли вафот этди. Бу 24 соат ичида қайд этилган антирекорд даражадаги кўрсаткич. Бунгача суткалик ўлимлар бўйича антирекорд 12 майда кузатилган — 4205 киши.
Мамлакатда ўтган кун давомида яна 263 533 кишида COVID-19 аниқланди. Пандемия бошидан буён Ҳиндистонда 25 228 996 киши коронавирус билан касалланган, уларнинг 278 719 нафари вирус қурбонига айланган. Ҳиндистон инфекцияга чалинганлар сони бўйича АҚШдан кейин иккинчи ўринда туради.
Россияда яқин кунларда коронавирусга қарши тўртинчи вакцина ишга тушириладиРоссия президенти Владимир Путин тўртинчи вакцина тез орада муомалага киритилишини айтди, аммо айнан қайси препарат ҳақида гап кетаётганига аниқлик киритмади.
Россия шу кунга қадар коронавирусга қарши ишлаб чиқарган учта вакцинасини рўйхатдан ўтказган. Уларнинг биринчиси нафақат Россияда, балки бутун дунёда биринчи бўлиб ишлаб чиқилган «Спутник V» вакцинаси. Гамалея марказида ишлаб чиқарилган мазкур препарат Россияда август ойида рўйхатдан ўтказилган.
Ундан сўнг «Вектор» марказининг «ЭпиВакКорона» ҳамда Чумакова номидаги марказнинг «КовиВак» вакциналари рўйхатдан ўтказилган.
Россияда тасдиқланган сўнгги «Спутник Лайт» вакцинаси бир компонентли бўлиб, ундан эпидемиологик жараённинг ноқулай ривожланиши шароитида аҳоли иммунитетини тезда шакллантириш учун фойдаланиш мумкин.
Изоҳ (0)