Surxondaryo viloyati Uzun tumanida “Jiguli” avtomobiliga 16 nafar yo‘lovchi mindirgan haydovchiga chora ko‘rildi. Bu haqda viloyat IIB YHXB axborot xizmati xabar berdi.
Ma’lum qilinishicha, 15-may kuni YPX xodimlari tomonidan Uzun tumanida o‘tkazilgan reyd tadbirida “Jiguli” avtomobili to‘xtatilgan. Hujjatlarni ko‘zdan kechirish jarayonida ushbu mashinada belgilangan me’yordan ortiq odam borligi aniqlangan.
Ma’lum qilinishicha, mashinadagi 16 nafar fuqaro dehqon fermer xo‘jaligi egasining qo‘l ostida ishlaydigan yollanma ishchilar bo‘lgan. Haydovchi o‘ziga tegishli yerda ularni ishlatib, so‘ng olib qaytayotgan vaqtda YPX inspektorlari tomonidan to‘xtatilgan.
Qoidabuzar haydovchiga nisbatan Ma’muriy javobgarlik to‘g‘risidagi kodeksning 128-moddasi (haydovchilarning transport vositalarini piyodalar yo‘lkalaridan yurgizishi, yo‘l belgilari va yo‘l harakatining boshqa qoidalari talablariga rioya etmasligi) 1-qismi bilan ma’muriy bayonnoma rasmiylashtirilgan.
Avvalroq Farg‘onada haydovchi Damas’da 28 nafar bog‘cha bolasini olib ketayotgani aniqlangani to‘g‘risida xabar berilgandi.
Izoh (0)