Toshkent metropoliteni Sergeli metro yo‘nalishidagi bekatlardan birida elektr ta’minoti uzilib qolgani borasidagi holatga izoh berdi.
Ma’lum qilinishicha, 18-may kuni soat 15:25 da Toshkent shahrida elektr ta’minotining uzilishi sodir bo‘lgan. Bu esa Toshkent metropolitenining Sergeli yo‘nalishidagi “5-bekat” stansiyasidagi elektr ta’minoti tizimiga ham ta’sir ko‘rsatgan. Ta’kidlanishicha, bekatda elektr ta’minoti soat 15:39 da qayta tiklangan.
“Ushbu hodisa metro poyezdlari harakatiga ta’sir ko‘rsatmadi, chunki harakat xavfsizligini ta’minlash maqsadida, kontakt relslar zaxira quvvat manbasiga ega”, — deyiladi xabarda.
Mavzuga doir: Toshkent metrosining barcha yo‘nalishlari 21-maydan boshlab faqat 23:00 gacha ishlaydi
9-aprel kuni ijtimoiy tarmoqlarda poyezdning ochiq eshiklar bilan harakati tushirilgan video tarqaldi. Shu bilan birga, metropolitendagi yerosti va yerusti poyezd harakatlarining bir nechta boshqa videolari ham ijtimoiy tarmoqlarda ko‘p bora muhokama qilindi. 28-aprel kuni esa tunnelda to‘xtab qolgan poyezd haqidagi video tarqaldi, unda yo‘lovchilar relslar orqali harakatlanib, bekatga yetib olgani tasvirlangan.
18-mart kuni esa “Olmazor” (Chilonzor yo‘li) va “Bekat-1” (Sergeli yo‘li) orasidagi tunnelda ikki poyezd to‘qnashgandi.
Izoh (0)