2021-yil 19-may kuni, soat taxminan 14:40 da “O‘zbekneftgaz” AJ “Farg‘ona neft bazasi” MChJ Qo‘qon filialiga qarashli Qo‘qon-2 AYoQShda, davlat raqami 40 240 MAA “GAZ-53” rusumli transport vositasi tomonidan Ai-80 avtobenzinini sig‘imga quyish jarayonida yong‘in sodir bo‘lgan.
Ushbu transportdagi mavjud avtobenzin deyarli sig‘imga quyib bo‘linganda chaqnash ro‘y bergan va buning natijasida “GAZ-53” yonib zarar ko‘rgan.
Favqulodda vaziyatlar vazirligi hamda “O‘zbekneftgaz” AJ xodimlari hamkorligida qisqa muddatda yong‘in to‘liq bartaraf etilgan.
Vaziyatni batafsil o‘rganish maqsadida ishchi guruh tuzilib, yong‘in sabablari o‘rganilmoqda. Yong‘in natijasida hech bir fuqaro va ishchi xodimlarga hamda AYoQShga ham zarar yetmadi. Jabrlanganlar yo‘q.
Yong‘in sabablari borasida qo‘shimcha ma’lumotlar beriladi.
“O‘zbekneftgaz” AJ matbuot xizmati
Izoh (0)