Qoraqalpog‘istonning Nukus shahrida 16 yoshli qiz o‘zini kanalga tashladi, deya xabar qilmoqda Milliy gvardiya matbuot xizmati.
Ma’lum qilinishicha, 19-may kuni soat 12:30 larda Qoraqalpog‘iston Respublikasi Nukus shahrida jamoat tartibini saqlashga jalb qilingan patrul yo‘nalishida xizmat olib borayotgan Milliy gvardiya harbiy xizmatchilari, olingan xabarga ko‘ra, ko‘rsatilgan manzilga yetib borib, Nukus shahri hududi bo‘ylab o‘tgan “Do‘stlik” kanaliga o‘zini tashlagan noma’lum qizni suvdan qutqarib oldi.
O‘z vaqtida birinchi tibbiy yordam ko‘rsatilib, shahar tibbiyot birlashmasiga yetkazilgan ushbu qiz dastlabki surishtiruvlar mobaynida Nukus shahrida yashovchi 2005-yilda tug‘ilgan fuqaro J.T. ekanligi ma’lum bo‘ldi.
Hozirda mazkur holat yuzasidan Nukus shahar IIB tomonidan surishtiruv ishlari davom etmoqda.
Bundan avval Qashqadaryoda 11-sinf o‘quvchisi uyidagi molxonadan osilgan holda topilgani, Toshkentda eri bilan janjallashgan ayol elektr uzatish ustuniga chiqib, joniga qasd qilmoqchi bo‘lgani hamda O‘zbekistonliklarning har o‘ndan biri oilada ayollarga kuch ishlatish mumkin deb hisoblashi haqida xabar berilgandi.
Izoh (0)