Қорақалпоғистоннинг Нукус шаҳрида 16 ёшли қиз ўзини каналга ташлади, дея хабар қилмоқда Миллий гвардия матбуот хизмати.
Маълум қилинишича, 19 май куни соат 12:30 ларда Қорақалпоғистон Республикаси Нукус шаҳрида жамоат тартибини сақлашга жалб қилинган патруль йўналишида хизмат олиб бораётган Миллий гвардия ҳарбий хизматчилари, олинган хабарга кўра, кўрсатилган манзилга етиб бориб, Нукус шаҳри ҳудуди бўйлаб ўтган «Дўстлик» каналига ўзини ташлаган номаълум қизни сувдан қутқариб олди.
Ўз вақтида биринчи тиббий ёрдам кўрсатилиб, шаҳар тиббиёт бирлашмасига етказилган ушбу қиз дастлабки суриштирувлар мобайнида Нукус шаҳрида яшовчи 2005 йилда туғилган фуқаро Ж.Т. эканлиги маълум бўлди.
Ҳозирда мазкур ҳолат юзасидан Нукус шаҳар ИИБ томонидан суриштирув ишлари давом этмоқда.
Бундан аввал Қашқадарёда 11-синф ўқувчиси уйидаги молхонадан осилган ҳолда топилгани, Тошкентда эри билан жанжаллашган аёл электр узатиш устунига чиқиб, жонига қасд қилмоқчи бўлгани ҳамда Ўзбекистонликларнинг ҳар ўндан бири оилада аёлларга куч ишлатиш мумкин деб ҳисоблаши ҳақида хабар берилганди.
Изоҳ (0)