2020-yilning 30-avgustida koronavirus tufayli vafot etgan O‘zbekistonda xizmat ko‘rsatgan artist Fathulla Mas’udovning farzandlari onasi Gulira’no Mas’udova uchun unutilmas sovg‘a tayyorladi.
Gulira’no Mas’udova aslida 30-avgust kuni tug‘ilgan. Biroq u o‘sha kuni turmush o‘rtog‘i vafot etgani uchun bu kunni tug‘ilgan kun sifatida nishonlamaslikka qaror qilgan. Gulira’no Mas’udova farzandlariga endilikda Fathulla Mas’udov tug‘ilgan — 16-may sanasini o‘z tug‘ilgan kuni sifatida nishonlashini aytgan. Shuning uchun 16-may kuni soat 00:00 da Gulira’no Mas’udovaning farzandlari, ota-onasi, yaqinlari, do‘st-u birodarlari jam bo‘lib, uning tug‘ilgan kunini bayram qildi. “Onajon” yozuvi o‘rnatilgan qizil yo‘lak, gullar va sharlar, shuningdek, oilaviy suratlardan iborat videorolik Gulira’no Mas’udovani to‘lqinlantirib yubordi. Oilaning quvonchli kunida xonanda Malika Ravshanova xizmatda bo‘lib, “Bu mening onam” qo‘shig‘ini kuylab berdi.
Izoh (0)