2020 йилнинг 30 августида коронавирус туфайли вафот этган Ўзбекистонда хизмат кўрсатган артист Фатҳулла Масъудовнинг фарзандлари онаси Гулираъно Масъудова учун унутилмас совға тайёрлади.
Гулираъно Масъудова аслида 30 август куни туғилган. Бироқ у ўша куни турмуш ўртоғи вафот этгани учун бу кунни туғилган кун сифатида нишонламасликка қарор қилган. Гулираъно Масъудова фарзандларига эндиликда Фатҳулла Масъудов туғилган — 16 май санасини ўз туғилган куни сифатида нишонлашини айтган. Шунинг учун 16 май куни соат 00:00 да Гулираъно Масъудованинг фарзандлари, ота-онаси, яқинлари, дўст-у биродарлари жам бўлиб, унинг туғилган кунини байрам қилди. «Онажон» ёзуви ўрнатилган қизил йўлак, гуллар ва шарлар, шунингдек, оилавий суратлардан иборат видеоролик Гулираъно Масъудовани тўлқинлантириб юборди. Оиланинг қувончли кунида хонанда Малика Равшанова хизматда бўлиб, «Бу менинг онам» қўшиғини куйлаб берди.
Изоҳ (0)