O‘zbekistonda 12-may kuni yana 359 kishida koronavirus infeksiyasi tasdiqlandi, deb xabar berdi Sog‘liqni saqlash vazirligi matbuot xizmati. Bu ko‘rsatkich 11-may kuni 395 nafar, 10-may kuni 313 nafarni, 9-may kuni 362 nafarni tashkil etgandi.
Yangi kasallanish holatlarining
- 8 nafari Qoraqalpog‘iston Respublikasida,
- 7 nafari Andijon viloyatida,
- 6 nafari Buxoro viloyatida,
- 4 nafari Jizzax viloyatida,
- 6 nafari Qashqadaryo viloyatida,
- 3 nafari Navoiy viloyatida,
- 6 nafari Namangan viloyatida,
- 65 nafari Samarqand viloyatida,
- 7 nafari Sirdaryo viloyatida,
- 5 nafari Surxondaryo viloyatida,
- 15 nafari Farg‘ona viloyatida,
- 1 nafari Xorazm viloyatida,
- 63 nafari Toshkent viloyatida,
- 163 nafari Toshkent shahrida
Vazirlikning qo‘shimcha qilishicha, Qoraqalpog‘istonda 3 nafar, Andijonda 30 nafar, Buxoroda 5 nafar, Jizzaxda 14 nafar, Qashqadaryoda 13 nafar, Navoiyda 4 nafar, Samarqandda 64 nafar, Sirdaryoda 6 nafar, Suxondaryoda 2 nafar, Farg‘onada 12 nafar, Xorazmda 12 nafar, Toshkent viloyatida 41 nafar, Toshkent shahrida 119 nafar bemor tuzalib, kasallikdan sog‘ayganlar jami 91 301 nafarga yetdi va sog‘ayish ko‘rsatkichi 95 foizga tushdi.
Shuningdek, 1 nafar koronavirusga chalingan bemor vafot etib, kasallikdan vafot etganlar soni 667 nafarni tashkil qilmoqda. Ayni paytda tibbiyot muassasalarida 3858 nafar bemor davolanyapti.
Avvalroq Samarqand shahridagi barcha ta’lim muassasalariga joriy etilgan karantin yana 14 kunga uzaytirilgani, O‘zbekistondan Hindiston va Turkiyaga amalga oshiriladigan aviaqatnovlar uchun vaqtinchalik cheklovlar o‘rnatilgani to‘g‘risida xabar berilgandi.
Izoh (0)