O‘zbekistonda 12-may kuni jami 48 975 kishi COVID-19’ga qarshi emlandi, deb xabar berdi Sog‘liqni saqlash vazirligi matbuot xizmati. Shulardan 16 494 nafari birinchi bosqichda, 32 481 nafar fuqaro esa ikkinchi bosqichda emlangan.
Hozirgi kungacha O‘zbekistonda koronavirusga qarshi 1 285 215 doza vaksinadan foydalanildi, ularning 190 103 dozasi ikkinchi bosqichda qo‘llanilgan. Shunga ko‘ra, mamlakatda jami emlanganlar soni 1 095 112 kishini tashkil etmoqda.
12-may kunidagi emlash ko‘rsatkichlari bo‘yicha yuqori o‘rinlarni
- Farg‘ona viloyati (8495 doza),
- Andijon viloyati (7482 doza),
- Samarqand viloyati (7050 doza) band qildi.
- Farg‘ona viloyatida 170 212 doza,
- Andijon viloyatida 163 505 doza,
- Namangan viloyatida 140 338 doza,
- Samarqand viloyatida 123 671 dozani tashkil qilmoqda.
Mavzuga doir:
23-aprelga o‘tar kechasi O‘zbekistonga “Sputnik V” vaksinasining birinchi partiyasi yetkazib berilgandi (aynan qancha miqdorda vaksina olib kelingani ma’lum qilinmagan). 27-aprelga o‘tar kechasi ushbu vaksinaning navbatdagi partiyasi olib kelindi. Ammo Sog‘liqni saqlash vazirligi aynan qancha vaksina olib kelinganini ma’lum qilmagan.
27-aprel kuni Xitoydan ZF-UZ-VAC 2001 o‘zbek—xitoy vaksinasining 1 million dozasi ham olib kelindi. Xitoy—o‘zbek vaksinasining 1 million dozadagi dastlabki partiyasi 27-mart kuni olib kelingan. Koronavirusga qarshi kurash shtabi a’zosi Nurmat Otabekovning so‘zlariga ko‘ra, O‘zbekistonga Xitoyning koronavirusga qarshi Sinovac vaksinasi keltirilishi mumkin.
Izoh (0)